Pupujian Keur Pepeling

Sateacan na abdi tos nerangkeun naon eta pupujian. Tah ieu dihandap conto lain pupujian, nu pungsina mere mepeling ka urang sadaya. sok mangga di baca, teras dilenyepan ku urang.

Bismillahi nya ngawitan ngadamel abdi syi’iran

Neda berkah ti Pangeran malah mandar karohmatan

Eling-eling ihwan-ihwan sing emut kana siksaan

Ereunan kamaksiatan masih emut ka Pangeran

Elingkeun siksaan kubur nu aya dina pitutur

Emutkeun sadaya dulur bangeut pisan siksaan kubur

Siksa kubur ngawitanana teu kapendak rejeung ahlina

Luak lieuk taya baturna sumawon indung bapa na

Prek na taya hinggana kajaba padung baturna

Kaduhung taya bandingna lalaora kana solatna

Kasaha nyuhunkeun tulung lian ka Allah nu agurng

Siksaan allah nu agung sengsereudan hanteu suwung

Barang jol munkar wa nakir mantak sieun kalaleutir

Mariksa bari ngagendir nu mantak kudu jeung pikir

Nu ngahirkeun kana solatna hanteu nyaah kana jasadna

Hanteu sieun diakhirna disiksa kabina-bina

Tuluy disiksa jasadna digencet taneuh awakna

Tina suku kana sirahna pacorok iga wakasna

Di uruk seneu naraka kutina bangeut na siksa

Panasna taya hinggana ti naraka kengeng nyandakna

Tuluy jasad gegeroan tapi taya anu nulungan

Dunya mah hanteu nulungan anging amal rejeung iman

Tidinya nurunkeun deui siksaan leuwih ti tadi

Piwarang Allah sahiji katelah oray nu sakti

Sujaul aqra ngarana nu didamel besi kukuna

Turung ngageder panonna rubak pisan calangapna

Tuluy oray teh nenggelan ku ijinna ti pangeran

Kuku-kuku teu jeung aturan taya pisan kaadilan

Tuluy ditenggel jasadna terus mebes kana taneuhna

Kutina banget siksana dugika anacurna badan

Hanteu paeh hanteu hirup sanajan dugika surup

Nu mentak kudu nasauf ibadah kudu nasauf

Ieu siir tos sayagi kengeng nukil ti kurtubi

Urang kudu masing kaharti ibadah kudu gumati

Di akhir ngarasa rugi sanajan nu getol ngaji

Zakat sareng munggah haji teu lampah solat mah rugi